Dagur 3

Já, það hlaut að koma að þessu. Koma sér út á flugvöll í Minneapolis og síðan taka stefnuna á Los Angeles (Borg Englanna), sumir höfðu orð á því að nú fengju englarnir sem fyrir eru mikinn liðsstyrk.

Ferðalagi gekk vel og voru allir spenntir fyrir því að komast til Pasadena. Byrjað var á því eftir lendingu að sækja bíla til að koma öllum á sinn stað, síðan er jú meiningin að annar bíllinn fari með okkur alla leiðina til Orlando.
Mikið var nú gott að komast á hótelið, fyrir suma var þetta eins og að koma heim, en þeir höfðu verið hér áður og létu vel að dvölinni. Þegar búið var að koma sér fyrir þá var komið að því að láta sólina verma sér og var það kærkomin uppákoma.

Nú var jú líka komið að því að líta aðeins í "dótabúðir" fyrir mótorhjólafólk og verður að segja það að það gekk bara nokkuð vel og gættu menn hófs.

Kvöldið kom síðan og var þá farið út að snæða og eiga samfélag. Deginum lukum við síðan í sundlaugargarðinu, lásum saman 1.kafla í Postulasögunnu úr Lifandi Orði, fórum yfir verkefni næsta dags og þökkuðum Drottni fyrir daginn og lögðum nóttina í hans hendur.

Flettingar í dag: 111
Gestir í dag: 38
Flettingar í gær: 422
Gestir í gær: 94
Samtals flettingar: 1942725
Samtals gestir: 192410
Tölur uppfærðar: 15.6.2021 05:10:50