Georgia

Þá tökum við stefnuna suður, við keyrðum niður eftir Georgia áleiðis til Talahassee. Á leiðinni stoppuðum við í Atlanta þar sem við fórum í CNN Center og farin var skoðunarferð um þetta merkilega fyrirtæki. Þetta var skemmtileg viðbót við allt annað fyrir hópinn.
Nú snérist málið bara um það hversu margar mílur við færum áður en við tækjum okkur náttstað. Að þessu sinni var ákveðið að taka hús hjá Days Inn, en áður höfðum við gert það með góðum árangri en nú vorum við ekki eins heppin. Þetta er versta gisting sem við höfum verið í á ferð okkar, en þar sem við vorum tilbúin til að stoppa og klukkan var margt var ákveðið að fara ekki lengra.
Á morgun bíður okkar mikil veisla og ætlum við okkur að vera komin snemma í hótel þá til að vera klár í "kalkún" seinnipartinn. Nú er þetta farið að styttast og er manni farið að finnast það skrýtið, en allt gott tekur enda. Það hefur litað umræðuna í hópnum undanfarið að við höfum fengið fréttir frá Íslandi af ástandinu þar og hefur það orðið okkur hvatning að biðja fyrir þjóðinni okkar og þeim sem fara með völdin á þessum undarlegu tímum. Eitt er víst að ekkert getur veitt okkur jafn mikið öryggi eins og fullvissan um að Orð Guðs er satt, og það segir "Fel Drottni vegu þína, og hann mun vel fyrir sjá."

Flettingar í dag: 130
Gestir í dag: 43
Flettingar í gær: 422
Gestir í gær: 94
Samtals flettingar: 1942744
Samtals gestir: 192415
Tölur uppfærðar: 15.6.2021 05:52:47