"Þú býrð mér borð frammi fyrir fjendum mínum, þú smyrð höfuð mitt með olíu, bikar minn er barmafullur."
Sálmur 23 er oft kallaður "Hirðissálmurinn", af því að hann lýsir kærleiksríkri umönnun sem Drottinn veitir hjörð sinni. Davíð segir í fyrsta versinu, "Drottinn er minn hirðir, mig mun ekkert bresta," af því að þú munt aldrei upplifa þörf sem okkar himneski Faðir mun ekki mæta. Davíð hélt áfram og sagði, "þú smyrð höfuð mitt með olíu". Hér er Davíð að vitna í það þegar hirðirinn helti olíu á höfuð sauðanna áður en þeir voru sendir á beit. Olían settist í ullina þeirra, og ef þeir hrufluðu höfuðið á steinum, þá var olían til staðar til þess að mýkja og lækna sárið.
Guð er ekki bara kærleiksríkur hirðir, hann er jú líka Jehovah-Jireh, Guð yfirflæðis sem mætir sérhverri þörf þinni jafnvel áður en hún kemur upp. Hugsaðu þér að mótstöðumenn þínir standa álengdar og horfa á þegar Drottinn blessar þig, og mætil öllum þörfum þínum. Þeir munu fá að sjá gæsku og trúfesti hans úthelt yfir þig. Þú mátt ekki vera upptekinn af því að reyna að ná þér niðri á þeim eða láta þá finna fyrir því. Það er nó að Hirðirinn undirbýr borð fyrir þig "frammi fyrir fjendum þínum."
Ég trúi því að þetta eigi við í öllum kringumstæðum, ekki bara gagnvart þeim sem við eigum í útistöðum við heldur einnig í þeim tilfellum þar sem aðstæður sem við höfum lítil ráð gegn koma upp og ræna okkur gleði og því öryggi sem við eigum í Drottni. Þegar kreppir að þá er ekkert sem á betur við en vitneskjan um það að Drottinn er með þér og "hann leiðir þig að vötnum, þar sem þú mátt næðis njóta". Því er okkur öllum nauðsynlegt að snúa okkur heilshugar til Drottins og treysta honum af öllu hjarta. Tala líf og færa með okkur þá von sem er fólgin í því að eiga Jesúm Krist sem Frelsara og Lausnara í lífi sínu.

Biddu.  
"Þakka þér, Faðir, fyrir borðið sem þú býrð mér frammi fyrir fjendum mínum, og þeim kringumstæðum sem setja líf mitt úr skoðum. Ég vil upphefja nafn þitt frammi fyrir öllum mönnum."